«eQonaq» aqparattyq júıesi usynǵan derekke qaraǵanda, 1 maýsym men 23 shilde aralyǵynda elimizdiń qonaq úılerinde 250 468 shetel azamaty toqtaǵan. Bul ótken jyldyń sáıkes kezeńimen salystyrǵanda 3 eseden artyq, dep habarlaıdy Egemen.kz Mádenıet jáne sport mınıstrliginiń baspasóz qyzmetine silteme jasap.
Aıta ketsek, 2022 jyldyń osy kezeńinde otandyq qonaq úılerde 77 645 sheteldik týrıst demalǵan.
TMD elderinen kelgen týrıster sany 180 myń nemese 72%-dy qurady. Bir qyzyǵy, ótken jyly dál osy kórsetkish 77%-dy quraǵan. Iаǵnı alys shetelden kelgen týrısterdiń úlesi artyp otyrǵanyn baıqaımyz.
Máselen, Mońǵolııa – 11,6 ese (489-dan 5 683-ke deıin) Qytaı – 8,5 ese (2 223/ 18 954), Úndistan – 4,7 ese (1 245/5 887), Ońtústik Koreıa – 3,8 ese (939/3 585), Iran – 3,8 ese (237/897), Germanııa – 3 ese (1 659/5 054), AQSh – 2,2 ese (1 237/2 761) ósti.
Sheteldik týrısterdiń elimizde demalýǵa keletin basty baǵyttary – Almaty qalasy (1 maýsym men 23 shilde aralyǵynda – 77 308 týrıst), Astana qalasy (38 463 týrıst), Almaty oblysy (19 049 týrıst) jáne Mańǵystaý oblysy (15 062 týrıst).